Бейрезиденттер жеке сәйкестендіру нөмірін (ЖСН) қалай алады?

Қазақстан Республикасының көздерінен кіріс алатын, Қазақстан Республикасында жылжымайтын мүлік сатып алуды және Қазақстан Республикасының резиденттерінде- банктерінде ағымдағы банк шоттарын ашуды жоспарлаған шетелдік азаматтар немесе азаматтығы жоқ тұлғалар, бейрезиденттер, Қазақстан Республикасының салық заңнамасына сәйкес салық салу мақсатында орналасқан (келу) жері бойынша мемлекеттік кірістер органдарына келу тәртібінде жүгіне отырып сәйкестендіру нөмірін (ЖСН) алуы қажет.

Тіркеу үшін құжаттардың нотариат куәландырған көшірмелерін қоса бере отырып, банктің тұрғылықты жері бойынша салық органына:

1. құрылтай құжаттарының;
2. мемлекеттік тіркеу нөмірін (немесе оның аналогын) көрсете отырып, бейрезиденттің инкорпорация еліндегі мемлекеттік тіркелуін растайтын;
3. осындай құжат болған кезде салықтық тіркеу нөмірін (немесе оның аналогын) көрсете отырып, бейрезиденттің ол болған кезде инкорпорация елiндегi немесе резиденттік еліндегі салықтық тіркелуін растайтын құжаттардың;
4. директорлар кеңесі жиналысының немесе осыған ұқсас басқару органының хаттамасының нотариат куәландырған көшірмелерін қоса бере отырып, салық төлеуші ретінде тіркеу есебіне қою туралы салықтық өтінішті беруге міндетті.

Қазақстан Республикасындағы көздерден кірістер алатын шетелдіктер мен азаматтығы жоқ адамдар, Салық заңнамсының нормаларына сәйкес, қызметті жүзеге асыру басталған күннен бастап күнтізбелік отыз күн ішінде болатын (тұрғылықты) жеріндегі салық органына мынадай:

1. шетелдіктің немесе азаматтығы жоқ адамның жеке басын куәландыратын;
2. осындай құжат болған кезде салықтық тіркеу нөмірін (немесе оның аналогын) көрсете отырып, азаматтық (резиденттік) еліндегі салықтық тіркелуін растайтын;
3. осындай құжат болған кезде Қазақстан Республикасындағы көздерден алынған кірістің сомасын растайтын құжаттардың нотариат куәландырған көшірмелерін қоса бере отырып, тіркеу есебіне қою туралы салықтық өтінішті ұсынуға міндетті.

Қазақстан Республикасында мүлік, көлік құралдары салықтары немесе жер салығы салынатын объектi болып табылатын мүлікті сатып алатын шетелдіктер немесе азаматтығы жоқ адамдар салық төлеуші ретінде тіркелу үшін осындай мүліктің орналасқан жеріндегі салық органына мынадай:

1. шетелдіктің немесе азаматтығы жоқ адамның жеке басын куәландыратын;

2) осындай құжат болған кезде салықтық тіркеу нөмірін (немесе оның аналогын) көрсете отырып, азаматтық (резиденттік) еліндегі салықтық тіркелуін растайтын құжаттардың нотариат куәландырған көшірмелерін қоса бере отырып, тіркеу есебіне қою туралы салықтық өтінішті ұсынуға міндетті.

ЖСН берілген тіркеу куәлігі келу тәртібінде құжаттарды берген күнінен бастап 3 жұмыс күні ішінде беріледі.