12.12.2023 ж. Мемлекет басшысының "салық және бюджетке төленетін басқа да міндетті төлемдер туралы "Қазақстан Республикасының кодексіне (Салық кодексіне) өзгерістер мен толықтырулар енгізу туралы" Қазақстан Республикасы Заңына қол қоюына байланысты Шығыс Қазақстан облысы бойынша Мемлекеттік кірістер департаменті камералдық бақылау бойынша өзгерістер туралы хабарлайды (күнтізбелік алпыс күн өткен соң қолданысқа енгізіледі оның алғашқы ресми жарияланған күні)

Салық кодексінің 96-бабында: 2-тармақтың екінші бөлігіне, салық төлеушінің салық және бухгалтерлік есеп тіркелімдерінен үзінді көшірмелерді және көрсетілген бұзушылықтарға жататын құжаттарды қоса бере отырып, камералдық бақылау нәтижелері бойынша анықталған бұзушылықтармен келіспеу туралы түсіндірмеге құжаттарды ұсыну міндеттемесін алып тастау бөлігінде өзгерістер енгізілді;

2-тармақтың екінші бөлігінің 3) тармақшасына бұзушылықтарда көрсетілген операцияларды (мәмілелерді) жүзеге асыру фактісін растайтын құжаттардың көшірмелерін қоса беру бойынша салық төлеушінің міндетін хабарламада көрсетілген операцияларды (мәмілелерді) жүзеге асыру жөніндегі құжаттармен расталған мән-жайларды көрсету жөніндегі міндетке ауыстыру бөлігінде өзгерістер енгізілді;

2-1-тармаққа салық төлеушінің келіспеушілік мән-жайларын көрсете отырып және құжаттарды міндетті түрде қоса бере отырып, тәуекелі жоғары хабарламалар (тауарсыз мәмілелер) үшін ғана түсіндірме беру жөніндегі міндетін көздейтін өзгерістер енгізілді.

Бұл ретте тәуекел деңгейі орташа хабарламалар үшін бұл міндеттеме алынып тасталады;

4-тармаққа тәуекел дәрежесі жоғары хабарламалар (тауарсыз мәмілелер) бойынша ғана осындай құқықты сақтай отырып, хабарламаны орташа тәуекел дәрежесі бар хабарламалар бойынша орындалмады деп тану туралы шешім шығару бойынша мемлекеттік кірістер органдарының құқығын алып тастау бөлігінде өзгерістер енгізілді;

Салық кодексінің 118-бабында: 1-тармақтың 7) тармақшасы камералдық бақылау нәтижелері бойынша мемлекеттік кірістер органдары анықтаған бұзушылықтарды жою туралы хабарламаны орындалмаған деп тану туралы мемлекеттік кірістер органы шешімінің болуы салық төлеушінің банктік шоттары бойынша шығыс операцияларын тоқтата тұруға негіз болып табылмайтынын көздейтін абзацпен толықтырылды;

5-тармақ банктік шоттар бойынша шығыс операцияларын тоқтата тұру туралы өкімнің банктік шоттар бойынша шығыс операцияларын тоқтата тұру себептері жойылған күннен кейінгі бір жұмыс күнінен кешіктірілмейтін мерзімде жойылуын көздейтін жаңа редакцияда жазылды;

Салық кодексінің 142-бабының 1-тармағы: электрондық шот-фактураларды жазып беру бойынша мемлекеттік кірістер органы өздеріне қатысты шектеулер қолданған салық төлеушімен (салық төлеушілермен) өзара есеп айырысу бойынша салық міндеттемесін айқындау мәселесін тақырыптық тексеру жүргізу үшін негіздемемен толықтыруды көздейтін 3-2) тармақшамен толықтырылды;

9) тармақшаға «салық төлеушінің (салық агентінің) хабарламаны орындамауы» бөлігінде тақырыптық тексеру үшін негіздерді «хабарламада көрсетілген бұзушылықтардың болуын растауға» ауыстыру бөлігінде өзгерістер енгізілді.