Қазіргі уақытта еліміздің маңызды міндеттерінің бірі мемлекеттің электрондық үкіметке көшуі болып табылады, бұл көрсетілетін қызметтердің ашықтығын және сыбайлас жемқорлыққа қарсы күрес мәселесін шешуді қамтамасыз етеді.

Демек, цифрландыру барлық салаларда, соның ішінде сыртқы экономикалық қызметте қолданылатын цифрлық технологияларға негізделген экономикалық қызметті анықтайды.

Бұған дейін мемлекеттік кірістер органдары Шығыс Қазақстан облысы бойынша Мемлекеттік кірістер департаментінің ресми сайты арқылы әкімшілік кедергілерді, сыбайлас жемқорлық тәуекелдерін және т. б. төмендету үшін барлық шараларды қабылдайтындықтарын, ол үшін Үкіметтің мемлекеттік қызметтерінің egov.kz электрондық порталы арқылы көрсетілетін мемлекеттік қызметтерді алу мүмкіндігін қамтамасыз ету үшін техникалық ресурстарды пайдаланатындығын хабарлаған болатын, атап айтқанда " Жолаушылар кедендік декларациясын қабылдау" және "Көлік құралына кедендік декларацияны қабылдау".

Әуе көлігі үшін "Көлік құралына кедендік декларацияны қабылдау" мемлекеттік көрсетілетін қызметі халықаралық тасымалдаудың көлік құралдарын кедендік декларациялау кезінде және "Қазақстан Республикасындағы кедендік реттеу туралы" ҚР Кодексінде көзделген - керек-жарақтарды кедендік декларациялау кезінде (керек-жарақтар-бұл әуе кемелерінің тұрақ орындарында және жүру жолдарында қалыпты пайдаланылуын және техникалық қызмет көрсетуін қамтамасыз ету үшін қажетті тауарлар, сондай-ақ әуе кемелерінің жолаушылары мен экипаж мүшелерінің тұтынуына және (немесе) пайдалануына арналған тауарлар) көлік құралына декларацияны пайдаланатын авиатасымалдаушылардың көлік құралына кедендік декларацияны өз бетінше беру мүмкіндігін қамтамасыз етеді.

Көлік құралына арналған кедендік декларацияның нысаны және көлік құралына арналған кедендік декларацияны толтыру тәртібі туралы нұсқаулық Кеден одағы комиссиясының 2010 жылғы 14 қазандағы №422 шешімімен бекітілген.

Нұсқаулық Кеден одағы Кеден кодексінің 180 және 350-баптарына сәйкес әзірленді және көлік құралына арналған кеден декларациясын жазбаша нысанда толтыру тәртібін айқындайды:

Көлік құралына арналған кедендік декларацияны толтыру тәртібінің II бөлімі тауарларды декларациялайтын не оның атынан тауарлар декларацияланатын декларант-тұлға толтыратын бағандардың тізбесін нақты белгілейді.

Кедендік бақылаудан кейін лауазымды тұлға көлік құралына арналған кедендік декларацияны толтыру тәртібінің III бөлімінде белгіленген көлік құралына арналған кедендік декларация бағандарының тізбесін толтырады.

Осы мемлекеттік қызметтерді іске асыру мақсатында авиатасымалдаушылар Өскемен қаласы, Пермитин көшесі, 27 мекенжайы бойынша орналасқан Шығыс Қазақстан облысы бойынша Мемлекеттік кірістер департаментінде "АСТАНА-1" ақпараттық жүйесіне сыртқы пайдаланушыға қол жеткізуі қажет. Анықтама телефоны: 24-30-84.