Қазақстан Республикасының аумағында ақшалай есеп айырысулар бөлек санаттарды қоспағанда, мемлекеттік тізімге енгізілген, деректерді тіркеу және (немесе) беру функциясы бар БКМ қолдану арқылы жүзеге асырылады.

Бақылау-касса машиналарын қолдану кезінде мынадай талаптар қойылады, ақшалай есеп айырысулармен байланысты қызмет басталғанға дейін бақылау-касса машинасын салық органында есепке қою, тауар, жұмыс, көрсетілетін қызмет үшін төленген сомаға БКМ чегін немесе тауар чегін беру жүзеге асырылады.

Салық кодексінің 166-бабының 6-тармағында БКМ чегінің міндетті реквизиттері, оның ішінде тауардың, жұмыстың, көрсетілетін қызметтің атауы туралы ақпарат белгіленген.

ҚР Қаржы министрінің 2018 жылғы 16 ақпандағы № 208 бұйрығына сәйкес "Бақылау-кассалық машиналарды қолданудың кейбір мәселелері туралы" Салық кодексінің 166-бабының 6-тармағына сәйкес БКМ бақылау чегінде реквизиттердің мөрін қамтамасыз етуі, оның ішінде қазақ тілінде Қазақ тілі әліпбиінің айрықша әріптерін пайдалана отырып қолдануы тиіс.

Мемлекеттік тізімге енгізілген БКМ барлық модельдері техникалық талаптарға сәйкес келеді және мемлекеттік тілге аудару функциясын орындайды. Онлайн БКМ чектері 2 тілде (мемлекеттік және орыс) берілуі мүмкін.

Жоғарыда айтылғандарды негізге ала отырып, бұзушылықтардың алдын алу және оларға жол бермеу мақсатында салық төлеушілерден қызметті Қазақстан Республикасы заңнамасының жоғарыда баяндалған нормаларына сәйкес жүзеге асыруды сұраймыз және БКМ чегін екі тілде (мемлекеттік және орыс) басып шығаруға толық көшуді қамтамасыз етуді ұсынамыз.