2015 жылдың 1 маусымы күні Зайсан технология колледжінде, колледж оқушыларының, өндірістік оқу шеберлерінің және колледж директорының қатысуымен, 2015 жылдың 1 сәуірі мен 30 қарашасы аралығында өткізіліп жатқан «Чек талап ет-жүлдені ұтып ал» акциясы туралы семинар өткізілді. Семинарды Зайсан ауданы бойынша Мемлекеттік кірістер басқармасының басшысы Серік Замарханұлы Қыпшақов ашып, акцияның өту  мақсаты, ережесі, кезеңімен таныстырды. Сондай-ақ, басқарма басшысы азаматтарды тұтынушы ретінде өз құқығын қорғай білу мәдениетіне тәрбиелеу мәселесіне, яғни, чектің сапасыз тауарды қайтаруға кепіл болатынына және кәсіпкерлер арасында шынайы бәсекеге ынталандыратынына тоқталды. Семинарға қатысушылардан  түскен сұрақтарға тиісті жауаптар қайтарылды.  С.Қыпшақов семинарға қатысушыларды осы шараға ат салысуға шақырды.