Жарияланған күні: 09.04.2015 12:37
Өзгертілген күні: 28.04.2015 18:23

Салық кодексінің 328-бабының 1-тармағына сәйкес келісімшарт аумағын геологиялық зерттеуге және кен орындарын барлауға мемлекет жұмсаған тарихи шығындарды өтеу жөніндегі төлемді жер қойнауын пайдаланушы бюджетке коммерциялық табудан кейінгі өндіру басталған кезден бастап орналасқан жері бойынша төленеді.

Сонымен қатар, Қазақстан Республикасы Экономика және бюджеттік жоспарлау Министрінің 22.12.2008 жылғы №265 бұйрығымен 01.01.2009 жылдан бастап «Тарихи шығындарды өтеу бойынша төлемдер» 105319 бюджеттік сыныптама коды (бұдан әрі - 105319 БСК) енгізілген.

Қазақстан Республикасы Қаржы министрлігінің Салық комитеті Төрағасының 26.12.2008 жылғы №863 бұйрығының 35-тармағымен «Салық төлеушінің (салық агентінің) дербес шотында көрсетілуі тиіс салық және бюджетке төленетін басқа да міндетті төлемдер, міндетті зейнетақы жарналары мен әлеуметтік аударымдар бойынша салық есептілігі нысандарынан деректердің тізбесімен», 105319 БСК дербес шотында «Тарихи шығындарды өтеу жөніндегі төлемдер бойынша декларация» 560 декларацияның (560-нысанды Декларация) деректері бейнеленуі керектігі көзделген.